«

»

Print this مقالة

الحـزازير الشـعبية في ذاكرة التراث الحمصي

الحـزازير الشـعبية في ذاكرة التراث الحمصي

الحـزازير الشـعبية في ذاكرة التراث الحمصي

 

في الزمن الماضي الذي لم يكن فيه تلفاز ولا انترنت ولا هواتف ذكية وغير ذلك كانت تعتبر حل الألغاز والأحاجي من أهم وسائل الترفيه والمتعة والمنافسة في المجالس والسهرات ورياضة العقل لإظهار النباهة والذكاء والفطنة وسرعة البديهة استخدمها العرب منذ القديم .. وسنسرد فيما يلي بموقع قصة مدينة حمص بعض من الحزازير التي كانت متداولة في #حمص قديما والتي كان يمضي معها الجميع متعة لكل من كان يشارك فيها .. فيقول صاحب الحزورة في البداية :

حزّر وحزّرك وحزْرَك: أي هل تحزر ؟؟ ويقال عند التحزير:
ثمَّ يروي الحزورة ومنها:
ـ طاسي طرنطاسي بالبحر غطاسي جواتا فضة وبراتا نحاسي ( الرصاصة )
ـ بنت الملك بقصورا حاطة إيدها عاخصورا ( الجرة )
ـ بنت الملك مدلاي شعرا عاخصرا ( عرنوس الدرة )
ـ جرّة أمك المبرومي فيها فراخ البومي ( الجرة المليانة شنكليش )
ـ قدو قد الكف بيقتل ميتين وألف ( مشط العظم )
ـ اثنين جارين ميت وواحد بيعيط ( وهم الصمد والثورين والفلاح )
ـ ميت بجر ميت وواحد بيعيط ( المعرجلانة وسيخها وشخص )
ـ عشرين جندي ولا بسين طواقي حمر وما هم شرطة عسكرية ( الكبيريت والعيدان )
ـ طاقية أمك عالرف بتفرط مية وألف ( الرمانة ) ـ مبروقو إجا عا مبروقك نط وركب فوقك ( ابريق الماء )
ـ شو إلتيلو لألك حتى قام يعملك حطيتيلو بكفو حطلك بخشلك ( الصايغ والحلق )
ـ كبكوبة شعر من هون للوعر ( النمل )
ـ شي بيحمل قنطار وما بيحمل مسمار ( البحر )
ـ شي بتلطمو وبيلطمك، بتطعمو وبيطعمك ( المنخل )
ـ عنزتنا القرعة بالجبل بترعى بتحلب رطلين وما في إلها ضرعة ( النحل )
ـ طبش طبش وطبشتلو بدروة الحيط عمرتلو بيفوت عليه أبيض وبيطلع أحمر ( الرغيف والتنور )
ـ حامل محمول بينزل ناشف بيطلع مبلول ( الدلو في البير )
ـ بيحكي معط تركي بيبوسك بتبكي ( الدبور )
ـ بتسقيه بيموت ( النار )
ـ بيفوت فيك عالهس بيرميك وما بتحس ( النوم ) ـ بيساع ألوف الوف وما بيساع أجر خاروف ( وكر النمل )

 

قصة مدينة حمص

كتاب الامثال الشعبية الحمصية . مصطفى الصوفي

https://facebook.com/homscitystory

Permanent link to this article: http://homsstory.com/%d8%a7%d9%84%d8%ad%d9%80%d8%b2%d8%a7%d8%b2%d9%8a%d8%b1-%d8%a7%d9%84%d8%b4%d9%80%d8%b9%d8%a8%d9%8a%d8%a9-%d9%81%d9%8a-%d8%b0%d8%a7%d9%83%d8%b1%d8%a9-%d8%a7%d9%84%d8%aa%d8%b1%d8%a7%d8%ab-2/

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات: