أمثال في الغياب وحكم من الحياة

أمثال في الغياب

{ الغايب حجتو معو }الغربة كربة حجتو : أي حجّته وعذره .

{الغايب مالو نايب }
أي لا بديل عنه.

{من طوّل الغيبات جاب الغنايم }

{الغايب إلكن والهدايا إلنا }
تقال لأهل الغائب عندما يعود هو لكم لأنه أتى بالسلامة، والهدايا التي معه لنا.

{اللي بيغيب عن العين بينساه الخاطر}

{اللي بيغيب عن العين بيسلاه القلب}

{كتر الغياب بيفرق الحباب }

ومن أمثال في الغياب المشهوة ايضا

{الغربة كربة }

{الغربة تضيع الأصل}

{الغربة مضيعة الأصايل }

{ما بترجع أم رزوق حتى يفل السوق}

{متل شوفان بيغطس بالمي ما ببان}

{ودّع الرايح ولا تستقبل الجاي }

{غيبة المستحية من عابكرة لعشية }

{راح وهادا وجه الضيف }

 

حـكم من الحـياة

 

ساعة البسط لا تفوتها وإذا جاعت النفس بأي شيء كان قوّتها

أرض بالقليل وتمتع بالمتوفر، ولا تترك فرصة دون أن تغتنمها.

الحجر بمحلّها قنطار

محلها: أي مكانها ومعناه أن الشيء في مكانه المناسب يعطي قيمة ونتائج جيدة.

دخول الحمام ما متل طلوعو

طلوعو: أي الخروج منه.

كان البادي والبادي أظلم

الفص عالمرتكي هوين

كل شي بيكبر إلا الحزن بيصغر 

جبل لجبل ما بيلتقو بني آدم لبني آدم بيلتقو  

اللي ما بيحكي بلسانو بيحكي بعقلو 

الجيّد خلّو شهد والدون شهدو خل

الإنسان الطيب خلّه متل الشهد والسيء عسله متل الخل.

الداخل مفقود والطالع مولود  

إلك محب إلك مية عدو 

ما بيجي من الناس غير وجع الراس

العيار الما بيصيب بيدوش

الرصاصة إذا لم تصب تؤثر على العقل وتؤدي للدوخة. 

لا تعيّرني وعيّرك العيب طامرني وطامرك

أي أنهما غارقان معاً في الأمر. 

ما يربى جسم إلاّ فاني جسم

الكبر عبر

غرض العيري موكل عليه إبليس

الحاجة التي تعار يمكن أن يفقدها الشخص بسهولة.

لولا النسيان ما ضحك إنسان

لولا الكاسورة ما اشتغلت فاخورة

(الكاسورة: أي الكسر. والفاخورة: مصنع الفخار)

ما كل مانزل الدلو بالبير طلع مليان

اليوم اللي بيروح ما بيرجع بدالو

(بدالو : أي بدلاً منه) 

من عمل بالمكر لاقى الغدر

كل إنسان يجد نتيجة عمله.

الحسد بالأهل والغيرة بالجيران

يللي ما بتعمل متل جارتها بتطق مرارتها

بتطق مرارتها : أي تنفجر كناية عن الغيظ.

الحسد بياكل صاحبو

كل جيل مع جيلو لاعب

 

كتاب الامثال الشعبية  .مصطفى الصوفي

 

Permanent link to this article: https://homsstory.com/%d8%a3%d9%85%d8%ab%d8%a7%d9%84-%d9%81%d9%8a-%d8%a7%d9%84%d8%ba%d9%8a%d8%a7%d8%a8-%d9%88%d8%ad%d9%83%d9%85-%d9%85%d9%86-%d8%a7%d9%84%d8%ad%d9%8a%d8%a7%d8%a9/

اترك تعليقاً

لن ينشر بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.